By బుల్లితెర, వెండితెర అని తేడా లేదు. ఈ మ‌ధ్య కాలంలో విడాకుల వార్తలు నెట్టింట తెగ హ‌ల్‌చ‌ల్ చేస్తున్నాయి. మంచిగా ఉన్న జంట‌ల‌ని కూడా కొంద‌రు విడ‌దీస్తున్నారు. త‌ప్పుడు ప్ర‌చారాలు చేస్తూ ఇబ్బంది పెడుతున్నారు. బుల్లితెర‌పై క్రేజీ జంట‌గా గుర్తింపు తెచ్చుకుని అందరి మ‌న్న‌న‌లు పొందారు అమ‌ర్‌దీప్, తేజస్విని. కర్ణాటక రాష్ట్రంలోని బెంగళూరు నగరానికి చెందిన తేజస్విని తెలుగులోకి కోయిలమ్మ సీరియల్ ద్వారా తెలుగు బుల్లితెర ఆడియెన్స్‌ను పలకరించింది. కన్నడలోనే కాకుండా తెలుగు, తమిళం టెలివిజన్ సీరియల్స్‌లో నటించి మెప్పిచింది. తేజస్విని గౌడ నటి, బిగ్‌బాస్ తెలుగు సీజన్ 7 రన్నరప్ అమర్‌దీప్‌ను మూడేళ్ల కిందట వివాహం చేసుకుంది. 2022 డిసెంబర్ 11న వీరి వివాహం ఘనంగా జ‌ర‌గ‌గా, అప్ప‌టి నుండి ఈ జంట ఎంతో అన్యోన్యంగా ఉంటున్నారు. ప‌లు షోల‌లో కూడా క‌నిపిస్తూ సంద‌డి చేస్తున్నారు. బిగ్ బాస్ రియాలిటీ షో ద్వారా అమర్ దీప్ క్రేజ్ సొంతం చేసుకున్నారు. అయితే కొద్ది రోజులుగా అమర్ దీప్-తేజస్విని జంట విడిపోతున్నట్టు వార్తలు వినిపిస్తున్నాయి. అందుకు కార‌ణం టీవీ షో ప్రోమో. ఇస్మార్ట్ జోడీ షోకి అమర్ దీప్, తేజస్వినిలను పిలిచిన ఓంకార్ .. ‘మీరిద్దరూ భార్యాభర్తలుగా 100 పర్సెంట్ హ్యాపీగా ఉన్నారా.. లేదంటే ఒక చైర్ వదిలేసి కూర్చోమ‌ని టాస్క్ ఇస్తాడు. ఆ టాస్క్‌లో ఓంకార్ ఒక చైర్ వదిలికూర్చోమంటే.. తేజస్విని రెండు చైర్లు వదిలేసి కూర్చుంది. ఇక ఆ స‌మ‌యంలో అమర్, తేజ‌స్వి చేసిన కామెంట్స్ కూడా ఇద్ద‌రి మ‌ధ్య గొడ‌వ‌లు ఉన్నాయా అనేలా అనిపించాయి.
