By టాలీవుడ్‌ ఐకాన్‌ స్టార్‌ అల్లు అర్జున్ ముద్దుల కూతురు అల్లు అర్హ గురించి ప్రత్యేకంగా చెప్పనక్కర్లేదు. బ‌న్నీకి సోషల్ మీడియాలో ఎంత ఫాలోయింగ్ ఉందో అల్లు అర్హకు కూడా అంతే ఫాలోయింగ్ ఉంది. ఇక నెట్టింట తండ్రీకూతురు చేసే అల్లరి అంతా ఇంతా కాదు. వీరిద్దరికీ సంబంధించిన వీడియోలను బన్నీ భార్య అల్లు స్నేహారెడ్డి ఎప్పటికప్పుడు సోషల్ మీడియా పెడుతూ ఉంటారు. అవి చూసిన బన్నీ ఫ్యాన్స్‌ తెగ ఖుషీ అవుతుంటారు. వీడియోల్లో అర్హ తన ముద్దు ముద్దు మాటలతో నెటిజన్లను ఆకట్టుకుంటుంది. అయితే తాజాగా అల్లు అర్హ‌కి సంబంధించిన ఒక వీడియో ప్ర‌స్తుతం వైర‌ల్‌గా మారింది. ఈ వీడియోలో మంచు లక్ష్మి అల్లు అర్జున్ ఇంటికి రాగా.. నువ్వు ఎదో న‌న్ను అడ‌గాలి అనుకుంటున్నావు అంటా ఏం అడుగుతావు చెప్పు అంటూ లక్ష్మి అర్హ‌ను అడిగింది. దీంతో లక్ష్మిని చూసిన అర్హ నువ్వు తెలుగేనా నువ్వు తెలుగు అమ్మాయివేనా అంటూ అడుగుతుంది. ఈ మాట‌కు షాక్ అయిన లక్ష్మి నేను తెలుగు దానినే పాప.. అంత డౌట్ ఎందుకు వ‌చ్చింది నీకు. నేను నీతో తెలుగులోనే క‌దా మాట్లాడుతోంది. ఎందుక‌లా అడిగావు అంటూ అర్హ‌ని అడుగుతుంది లక్ష్మి. దీనికి అర్హ స‌మాధాన‌మిస్తూ.. నీ తెలుగు యాక్సెంట్ (యాస) అలా ఉంది అన‌గా.. నీది కూడా అలానే ఉంది క‌దా అంటూ అర్హ‌కి స‌మాధాన‌మిచ్చింది లక్ష్మి.
