By ప్రముఖ నటి, మాజీ ఎంపీ జయప్రద ఇంట తీవ్ర విషాదం చోటు చేసుకుంది. ఆమె సోద‌రుడు రాజ బాబు క‌న్నుమూశారు. హైద‌రాబాద్‌లోని తన నివాసంలో గురువారం మ‌ధ్యాహ్నం రాజ బాబు తుదిశ్వాస విడిచారు. ఈ విషయాన్ని జయప్రద స్వయంగా ఇన్‌స్టా వేదికగా తెలిపారు. ‘నా అన్నయ్య రాజ బాబు మ‌ర‌ణ‌వార్తను మీకు తెలియ‌జేస్తున్నందుకు చాలా బాధ‌గా ఉంది. ఆయ‌న ఈరోజు మ‌ధ్యాహ్నం 3.26 గంట‌ల‌కు హైద‌రాబాద్‌లోని తన నివాసంలో క‌న్నుమూశారు. ఆయ‌న ఆత్మకు శాంతి చేకూరాల‌ని ఆ భ‌గ‌వంతుడిని ప్రార్థిస్తున్నాను. మ‌రిన్ని వివ‌రాలు త్వర‌లోనే పంచుకుంటాను’ అని తన పోస్ట్‌లో జయప్రద పేర్కొన్నారు. ఈ పోస్ట్‌ చూసిన నెటిజన్లు, సినీ ప్రముఖులు జయప్రద కుటుంబానికి సానుభూతి తెలియజేస్తున్నారు.
