By ఐకాన్ స్టార్ అల్లు అర్జున్, స్టార్ దర్శకుడు అట్లీ కాంబినేషన్లో తెరకెక్కుతున్న భారీ పాన్- ఇండియా సినిమా ‘రాకా’పై సినీ అభిమానుల్లో భారీ అంచనాలు ఉన్నాయి. ఈ నేపథ్యంలో సినిమా కొత్త షూటింగ్ షెడ్యూల్కు సంబంధించిన ఓ ఆసక్తికరమైన అప్డేట్ ఫిల్మ్నగర్లో చర్చనీయాంశంగా మారింది. తాజా సమాచారం ప్రకారం, రాబోయే షెడ్యూల్లో అల్లు అర్జున్ పరిచయ సన్నివేశాలను చిత్రీకరించనున్నట్లు తెలుస్తోంది. ఇందుకోసం ప్రత్యేకంగా భారీ సెట్ను నిర్మించినట్లు సమాచారం. ఈ సన్నివేశాల్లో బన్నీ పూర్తిగా కొత్త మేకోవర్లో, వైల్డ్ లుక్తో కనిపించనున్నారని టాక్ వినిపిస్తోంది. ముఖ్యంగా యాక్షన్ సీక్వెన్స్లు అత్యున్నత సాంకేతిక ప్రమాణాలతో తెరకెక్కించేందుకు చిత్రబృందం ప్రత్యేక ప్రణాళికలు రూపొందించినట్లు తెలుస్తోంది.
ఈ సినిమాలో దీపికా పదుకొణె హీరోయిన్గా నటిస్తుండగా, మృణాల్ ఠాకూర్, జాన్వీ కపూర్ కూడా కీలక పాత్రల్లో కనిపించనున్నట్లు ప్రచారం జరుగుతోంది. మాఫియా నేపథ్యంలో సాగే ఈ కథలో శక్తివంతమైన డాన్ పాత్ర చుట్టూ కథ తిరుగుతుందని సినీ వర్గాలు చెబుతున్నాయి. సన్ పిక్చర్స్ నిర్మిస్తున్న ఈ ప్రతిష్ఠాత్మక సినిమాపై ఇప్పటికే భారీ అంచనాలు నెలకొన్నాయి. అయితే, కొత్త షెడ్యూల్కు సంబంధించిన వివరాలపై చిత్రబృందం నుంచి అధికారిక ప్రకటన రావాల్సి ఉంది.
