By సోషల్ మీడియాలో ఓ అద్భుతమైన ఫ్యాన్ ఎడిట్ చేసిన బాహుబలి ఫన్నీ ఇన్సిడెంట్ ప్రస్తుతం నెట్టింట పెద్ద దుమారం లేపుతోంది. ‘బాహుబలి’ సినిమాలో మహేంద్ర బాహుబలికి ఓ స్నేహితుడు ఉంటే ఎలా ఉంటుందో ఊహిస్తూ ఓ నెటిజన్ ఫన్నీ వీడియో క్రియేట్ చేశాడు. అందులో ప్రభాస్‌కు స్నేహితుడిగా మంచు విష్ణు ‘కన్నప్ప’ లుక్‌లో కనిపించడంతో వీడియోకు భారీ స్పందన వచ్చింది. ప్రస్తుతం “బాహుబలి – కన్నప్ప ఫ్రెండ్స్ వెర్షన్” అనే ట్యాగ్ సోషల్ మీడియాలో ట్రెండ్ అవుతోంది. రాజమౌళి తెరకెక్కించిన ఈ ఎపిక్ యాక్షన్ డ్రామాలో ప్రేమ, పగ, ప్రతీకారం, త్యాగం అన్నీ ఉన్నా… స్నేహం కోణం మాత్రం కనిపించలేదు. ఆ లోటును పూరించడానికి ఈ క్రియేటివ్ నెటిజన్ ముందుకొచ్చాడు. తన ఎడిటింగ్ నైపుణ్యాన్ని చూపిస్తూ మహేంద్ర బాహుబలికి ఫ్రెండ్‌గా ‘కన్నప్ప’ను జత చేశాడు. వీడియోలో బాహుబలి శివలింగాన్ని ఎత్తుకెళ్లే సీన్‌లో నుండి యుద్ధ సన్నివేశాల వరకు కన్నప్ప అండగా నిలిచేలా చూపించారు. ప్రేమలో, యుద్ధంలో, భల్లాలదేవుతో పోరాటంలో కూడా ఇద్దరూ కలిసి కనిపించడం ఫన్నీగా, ఆసక్తికరంగా ఉంది. కొన్నిచోట్ల కన్నప్ప బాహుబలి కంటే ముందుగా యుద్ధానికి దిగడం, సరదా డైలాగ్‌లతో హాస్యం పండించడం నెటిజన్లను నవ్విస్తోంది. ఇద్దరినీ ఇప్పుడు ఒకే ఫ్రేమ్‌లో చూడటంతో ప్రేక్షకులు ఆనందం వ్యక్తం చేస్తున్నారు.
