By హీరో సాయి ధరమ్ తేజ్ అల్లు అర్జున్‌పై చేసిన వ్యాఖ్యలు ప్రస్తుతం సోషల్ మీడియాలో హాట్ టాపిక్‌గా మారాయి. ఇటీవల హైదరాబాద్‌లో జరిగిన ‘ది ఫాస్ట్ & క్యూరియస్ – ఆటో ఎక్స్‌పో 2025’ ఈవెంట్‌లో పాల్గొన్న తేజ్, అభిమానులతో మాట్లాడుతూ చేసిన కొన్ని వ్యాఖ్యలు వివాదానికి దారితీశాయి. ఒక అభిమాని “అల్లు అర్జున్ గురించి మీ అభిప్రాయం?” అని అడగగా, తేజ్ స్పందిస్తూ, “అల్లు అర్జున్ ఇప్పుడు ఇండియాలోని బిగ్గెస్ట్ హీరోల్లో ఒకరు. చాలా గొప్పోడు అయిపోయాడు” అన్నారు.
అయితే ఈ మాటలపై బన్నీ అభిమానులు సోషల్ మీడియాలో విభిన్నంగా స్పందిస్తున్నారు. కొందరు తేజ్ మాటల్లో ఈర్ష్య కనిపించిందంటూ విమర్శిస్తుంటే, మరోవైపు మెగా ఫ్యాన్స్ మాత్రం ఆయన వ్యాఖ్యలను నిజాయితీతో చెప్పిన అభిప్రాయంగా సమర్థిస్తున్నారు. తేజ్ మరియు బన్నీ మధ్య ఉన్న సంబంధం, మెగా ఫ్యామిలీ బంధం గురించి కూడా అభిమానులు చర్చిస్తున్నారు.
