By అక్కినేని నాగ చైతన్య హీరోగా ఇప్పుడు దర్శకుడు కార్తీక్ వర్మ దండు కాంబినేషన్‌లో చేస్తున్న అవైటెడ్ సినిమా గురించి తెలిసిందే. ఒక సూపర్ నాచురల్ థ్రిల్లర్‌గా ప్లాన్ చేస్తున్న ఈ సినిమా షూటింగ్ ప్రస్తుతం శరవేగంగా కొనసాగుతోంది. అయితే ఈ సినిమాలో బాలీవుడ్ సెన్సేషనల్ హిట్ సినిమా లాపతా లేడీస్ నటుడు స్పర్శ్ శ్రీవాస్తవ జాయిన్ అయినట్టుగా మేకర్స్ ఇపుడు అనౌన్స్ చేశారు. తనపై ఓ ఇంట్రెస్టింగ్ లుక్‌ని కూడా లాక్ చేసి విడుదల చేశారు. మరి ఈ సినిమాలో తన పెర్ఫామెన్స్ ఎలా ఉంటుందో వేచి చూడాలి. ఇక ఈ సినిమాలో మీనాక్షి చౌదరి హీరోయిన్‌గా నటించగా విరూపాక్ష నిర్మాత బి వి ఎస్ ఎన్ ప్రసాద్ భారీ బడ్జెట్‌తో నిర్మిస్తుండగా విరూపాక్ష, కాంతార సంగీత దర్శకుడు అజనీష్ లోకనాథ్ సంగీతం సమకూరుస్తున్నారు.
