By నాచురల్ స్టార్ నాని హీరోగా తాను పరిచయం చేసిన దర్శకుడు శ్రీకాంత్ ఓదెలతో చేస్తున్న మరో సాలిడ్ సినిమాయే “ది ప్యారడైజ్”. అనౌన్స్‌మెంట్ తోనే భారీ హైప్‌ని సెట్ చేసుకున్న ఈ సినిమా నుండి నేడు ఓ క్రేజీ లుక్ పోస్టర్‌ని విడుదల చేశారు మేకర్స్. మరి ఇందులో నాని లుక్ మరింత క్లారిటీగా కనిపిస్తుండగా తన మేకోవర్‌కి రెడీ అయ్యిన విధానం చూస్తే మాత్రం నాని గట్స్‌ని మెచ్చుకొని తీరాల్సిందే అనిపిస్తుంది. ఆడపిల్లలాగా రెండు జడలు వేసుకొని నాని కొత్తగా కనిపిస్తున్నాడు. ఇక ఈ లుక్ తాలూకా పాత్ర పేరు కూడా అంతే క్రేజీగా ఉంది. ఇంతకీ ఆ పేరేంటనే ‘జడల్’ అట. ఇక ఇదే కాకుండా పోస్టర్ బ్యాక్‌గ్రౌండ్‌లో తుపాకులు గొడ్డళ్లు, ఇంకా బ్లేడ్‌లు కూడా కనిపిస్తున్నాయి. వీటితో ప్యారడైజ్‌లో రక్తపాతం, వైలెన్స్ కూడా ఎక్కువే ఉంటుంది అని చెప్పాలి. ఇక ఈ సినిమాకి అనిరుధ్ సంగీతం అందిస్తుండగా ఎస్ ఎల్ వి సినిమాస్ వారు నిర్మాణ బాధ్యతలు చేపట్టారు.
