By లెజెండరీ డైరెక్టర్ శంకర్ దర్శకత్వంలో తెరకెక్కిన ‘అపరిచితుడు’లో యాక్ట్ చేసింది అందరి మెప్పు పొందింది. దీంతో సౌత్ సినిమా ఇండస్ట్రీలో స్టార్ హీరోయిన్ అవుతుందని అందరూ భావించారు. ఆ సినిమా బ్లాక్‌బస్టర్ హిట్ అయినా, ఆమె కెరీర్ ఊహించినంత ముందుకు సాగ‌లేదు. చంద్రముఖి సినిమాలో మొదటగా జ్యోతిక పాత్ర సదానే వరించింది. కానీ ‘అపరిచితుడు’ షూటింగ్ కారణంగా డేట్స్ కుదరక, ఆ అవకాశాన్ని కోల్పోయింది. సిల్వర్ స్క్రీన్‌కు దూరమైనా, సదా బుల్లితెరపై కొన్నాళ్లు తన హ‌వా కొనసాగించింది. ‘ఢీ’, ‘నీతోనే డాన్స్’ వంటి డ్యాన్స్ షోలకు జడ్జిగా హాజరై మళ్లీ పాపులారిటీ సంపాదించుకుంది. ఇటీవలి కాలంలో సినిమా, టీవీ రెండింటినీ కూడా పక్కనపెట్టి సదా పూర్తిగా కొత్త దిశలోకి అడుగులు వేసింది. సదా ఇప్పుడు కెమెరా ముందుకు కాకుండా కెమెరా వెనకకు వెళ్లింది! ఆమె ప్రస్తుతం వైల్డ్ లైఫ్ ఫొటోగ్రఫీపై పూర్తిగా ఫోకస్ పెట్టింది. ‘సదా గ్రీన్ లైఫ్’ అనే యూట్యూబ్ ఛానల్‌ను ప్రారంభించి, అడవుల్లో జంతువుల వీడియోలు చిత్రీకరించి షేర్ చేస్తోంది. ఇటీవల ఆమె తన నికాన్ కెమెరాతో ఆఫ్రికా అడవుల్లో ఓలోమిన జాతికి చెందిన సింహాన్ని వీడియో తీసింది. ఆ సింహం స్లోమోషన్‌లో నడుస్తున్న విజువల్స్ సోషల్ మీడియాలో వైరల్ అయ్యాయి. వాటిని చూసినవారంతా సదాకు ఫొటోగ్రఫీ టాలెంట్‌ కూడా ఉందన్న మాట అని ఆశ్చర్యపోతున్నారు.
