By తమిళంలో ఘన విజయం సాధించిన ‘డీఎన్‌ఎ’ సినిమా తెలుగులో ‘మై బేబీ’ పేరుతో ఈ నెల 11న విడుదల కానుంది. ప్రేమిస్తే, జర్నీ, షాపింగ్‌మాల్‌, పిజ్జా వంటి విజయవంతమైన అనువాద సినిమాలను తెలుగు ప్రేక్షకులకు అందించిన నిర్మాత సురేష్ కొండేటి ఈ ‘మై బేబీ’ని కూడా తెలుగులో విడుదల చేస్తున్నారు. అధర్వ మురళి, నిమిషా సజయన్‌ జంటగా నటించిన ఈ క్రైమ్‌ థ్రిల్లర్‌కి నెల్సన్‌ వెంకటేషన్‌ దర్శకుడు. 2014లో ఒక సాఫ్ట్‌వేర్‌ ఆర్కిటెక్ట్‌ జీవితంలో జరిగిన దుర్ఘటన నేపథ్యంలో ఈ కథ సాగుతుందని, గ్రిప్పింగ్‌ స్క్రీన్‌ప్లేతో రూపొందిన భావోద్వేగపూరిత కథాంశమిదని మేకర్స్‌ చెబుతున్నారు. ఈ నెల 11న సినిమా విడుదల కానుంది.
