By హీరో కమల్ హాసన్ మరో హీరో నాని పట్ల చూపిన అభిమానం ఇప్పుడు సినీ వర్గాల్లో, అభిమానుల మధ్య చర్చనీయాంశంగా మారింది. నానిపై కమల్ హాసన్ పరోక్షంగా చూపిన ఈ ప్రశంస అందరినీ ఆకట్టుకోగా, దీనిపై నాని ఇచ్చిన స్పందన ‘పోదుం సర్’ (చాలు సార్) అనే ఒక్క మాటతో అందరి హృదయాలను గెలుచుకుంది. అసలు ఏం జరిగిందంటే.. కమల్ హాసన్ తన రాబోయే సినిమా ‘థగ్ లైఫ్’ ప్రమోషన్స్లో భాగంగా ఒక ఇంటర్వ్యూలో పాల్గొన్నారు. ఈ సందర్భంగా నాని గతంలో కమల్ హాసన్ నటనపై, ముఖ్యంగా ‘విరుమాండి’, ‘అపూర్వ సహోదరులు’ వంటి చిత్రాల్లో ఆయన నటనను ప్రశంసించిన విషయం ప్రస్తావనకు వచ్చింది. దీనిపై కమల్ హాసన్ స్పందిస్తూ, “నేను నాని పేరు చెప్పడం అతనికి చాలు. థాంక్యూ నాని అని చెప్పాల్సిన అవసరం లేదు. నేను ఏ ఉద్దేశంతో మాట్లాడుతున్నానో అతనికి అర్థమవుతుంది, ప్రేక్షకులకూ అర్థమవుతుంది” అని అన్నారు. కమల్ హాసన్ ఈ మాటలు చెప్పినప్పుడు, ఇంటర్వ్యూ చేసే వ్యక్తి కాస్త అయోమయంలో పడినప్పటికీ, నానిపై కమల్కు ఉన్న గౌరవం, అభిమానం స్పష్టంగా కనిపించాయి.
