By బాలీవుడ్ హీరో అమీర్‌ఖాన్ ప్ర‌ధాన పాత్ర‌లో న‌టిస్తున్న తాజా సినిమా ‘సితారే జమీన్ పర్‌’. ‘సబ్‌ కా అప్న అప్న నార్మల్‌’ అనేది ఉపశీర్షిక. ఆర్‌ఎస్‌ ప్రసన్న దర్శకత్వం వహిస్తున్న ఈ సినిమాలో జెనీలియా హీరోయిన్‌గా నటిస్తున్నారు. అమీర్‌ఖాన్ అపర్ణ పురోహిత్ ఈ సినిమాని నిర్మిస్తున్నారు. ఈ సినిమా జూన్ 20న ప్రేక్షకుల ముందుకు రానున్నట్లు చిత్ర యూనిట్ ప్రకటించింది. ఇప్ప‌టికే సినిమా నుండి ఫ‌స్ట్ లుక్‌ని విడుద‌ల చేసిన చిత్ర‌యూనిట్ తాజాగా ట్రైలర్ అప్‌డేట్‌ను షేర్ చేసింది. ఈ సినిమా ట్రైల‌ర్‌ను నేటి రాత్రి 7.50 గంట‌లకి జీ నెట్‌వ‌ర్క్‌కి చెందిన ఛాన‌ల్స్‌లో అలాగే సోష‌ల్ మీడియాలో 8.20కి విడుద‌ల చేయ‌నున్న‌ట్లు చిత్ర‌బృందం ప్రకటించింది. ఈ సంద‌ర్భంగా వీడియోను షేర్ చేసింది. అమీర్‌ఖాన్ నటించి, స్వీయ దర్శకత్వంలో రూపొందించిన సూపర్ హిట్ చిత్రం ‘తారే జమీన్ పర్‌’ (2007) సినిమాకు ఇది సీక్వెల్‌గా తెరకెక్కుతోందని అమీర్‌ఖాన్ ఇప్ప‌టికే ప్ర‌క‌టించాడు. అయితే ఈ సినిమా కామెడీ ఆధారంగా రాబోతోంద‌ని స‌మాచారం.
