By హీరోయిన్ కీర్తి సురేష్ ప్రస్తుతం ఈ హీరోయిన్ తమిళ ఇండస్ట్రీపై ఎక్కువగా దృష్టి పెడుతోంది. తాజాగా ఆమె తెలుగు, తమిళ ద్విభాషా సినిమాలో ఓ భారీ ఆఫర్‌ను దక్కించుకున్నట్లు తెలిసింది. వివరాల్లోకి వెళితే.. ‘లక్కీ భాస్కర్‌’తో బ్లాక్‌బస్టర్‌ హిట్‌ను తన ఖాతాలో వేసుకున్నారు దర్శకుడు వెంకీ అట్లూరి. త్వరలో ఆయన తమిళ హీరో సూర్యతో ఓ సినిమా చేయబోతున్నారు. మారుతీ కార్లకు సంబంధించిన నేపథ్య కథాంశంతో తెరకెక్కించనున్న బయోపిక్‌ ఇదని సమాచారం. ‘796 సీసీ’ అనే టైటిల్‌ను పరిశీలిస్తున్నారని తెలిసింది. ఈ సినిమాలో హీరోయిన్‌గా చాలామంది పేర్లు వినిపించాయి. తాజా సమాచారం ప్రకారం కీర్తి సురేష్‌ను ఫైనల్‌ చేసే ఆలోచనలో చిత్ర బృందం ఉన్నట్లు తెలిసింది. మే రెండో వారం నుండి ఈ సినిమా షూటింగ్‌ మొదలుకానుందని సమాచారం.
