By సాధార‌ణంగా హీరోలంటే ఫ్యాన్స్ పడి చస్తారు. ఎప్పుడెప్పుడు వారిని దగ్గరగా చూసి, ఒక్క సెల్ఫీ అయినా తీసుకోవాలని కళ్లు కాయలు కాచేలా ఎదురు చూస్తుంటారు. అయితే హీరోలు సీరియస్‌గా ఉన్నా, చివాట్లు పెట్టినా, సెల్ఫీ మాత్రం తీసుకోకుండా ఉండ‌రు. అవసరమైతే ఎన్ని తిట్టినా పడతారు, కొన్నిసార్లు దెబ్బలు కూడా తింటారు. బాలీవుడ్ సీనియర్ నటుడు సంజయ్‌దత్ ఓ అభిమానికి సరదాగా సెల్ఫీ ఇచ్చిన తీరు చూసి నెటిజన్లు ఫిదా అవుతున్నారు. ఓ సాయంత్రం సమయంలో రోడ్డుపక్కనే ఉన్న రెస్టారెంట్ దగ్గర నిలబడి ఉన్న సంజయ్‌దత్ దగ్గరికి ఓ అభిమాని, సెల్ఫీ ప్లీజ్ అంటూ మొబైల్ పట్టుకుని పరుగెత్తుకొచ్చాడు. వెంటనే సంజయ్‌దత్ అతడిని పక్కకు రమ్మని సిగ్న‌ల్‌ ఇచ్చాడు. అయితే ఆ అభిమాని మొబైల్ కెమెరా ఆన్ కాలేదు. అప్పుడు సంజయ్‌దత్ అతడి తల మీద మొట్టికాయ వేసి, నవ్వుతూ సెల్ఫీ ఇచ్చాడు. ఈ ఫన్నీ మూమెంట్ చూస్తూ పక్కనే ఉన్నవాళ్లంతా పడి పడి నవ్వారు. ఈ వీడియో ఇప్పుడు ఇంటర్నెట్‌లో తెగ వైరల్ అవుతోంది. చాలామంది హీరోలు అభిమానులతో సెల్ఫీ విషయంలో చాలా సీరియస్‌గా ఉంటారు. కానీ సంజయ్‌దత్ మాత్రం ఎప్పుడూ సరదాగా, స్టైలిష్‌గా అభిమానులకు ట్రీట్ ఇస్తుంటారు. సెల్ఫీకి కూడా తనదైన టచ్‌ ఇవ్వడం చూసి నెటిజన్లు మురిసిపోతున్నారు.
