By స్పై-యాక్షన్ జానర్లో కొత్త ప్రమాణాలు సృష్టించిన ‘ధురంధర్’ సినిమా మళ్లీ ప్రేక్షకుల ముందుకు రానుంది. ఈ నెల 19న విడుదల కానున్న **‘ధురంధర్: ది రివెంజ్’**కు ముందు, మేకర్స్ ప్రపంచవ్యాప్తంగా మొదటి భాగాన్ని మళ్లీ థియేటర్లలో విడుదల చేయాలని నిర్ణయించారు. జియో స్టూడియోస్, బి62 స్టూడియోస్ సంయుక్తంగా ఈ రీ-రిలీజ్ను ప్లాన్ చేశారు. ప్రపంచవ్యాప్తంగా దాదాపు 500 స్క్రీన్లలో ఈ సినిమా ప్రదర్శించనున్నారు. ఇందులో భారతదేశంలో 250 స్క్రీన్లు, విదేశాల్లో మరో 250 స్క్రీన్లు ఉన్నాయి. ముఖ్యంగా ఉత్తర అమెరికాలోనే సుమారు 185 స్క్రీన్లలో ప్రదర్శనలు జరగనున్నాయి. సీక్వెల్ విడుదలకు ముందు మొదటి భాగాన్ని థియేటర్లలో మళ్లీ చూడటానికి అభిమానులకు ఇది మంచి అవకాశం. ఇటీవల విడుదలైన ‘ధురంధర్: ది రివెంజ్’ ట్రైలర్ ఇప్పటికే సోషల్ మీడియాలో వైరల్గా మారింది. అంతర్జాతీయ మార్కెట్లో కూడా ఈ ఫ్రాంచైజ్ భారీ వసూళ్లు సాధించే అవకాశముందని ట్రేడ్ వర్గాలు అంచనా వేస్తున్నాయి. రీ-రిలీజ్తో ఈ సినిమాపై మరింత హైప్ పెరిగింది.
